Протест на студентите од ЈИЕ, не сакаат универзитетот „Мајка Тереза“ да биде во нивниот објект

Студентите од Универзитот на Југоисточна Европа денеска излегоа на протест против тоа студентите на новиот универзитет „Мајка Тереза“ да учат во нивниот објект.

Тие велат дека со спојувањето на универзитетите се врши дискриминација по финансиска основа. Според студентите кои протестираа, мора да се заштити автономијата на нивниот универзитет.

Новиот универзитет „Мајка Тереза“ нема свој објект и ќе функционира во објектот на Универзитот на Југоисточна Европа. Уписот на студентите се уште трае.