Притвор од осум дена за четворица насилници од Собранието

Судија на претходна постапка одреди мерка притвор за 4 напаѓачи, на еден му одреди куќен притвор, а за двајца демонстранти одреди мерки за претпазливост, сооппшти денеска Основното јавно обвинителство.

Од Судот се посочува дека предлогот на ОЈО се однесува на кривичното дело – Учество во толпа што ќе спречи службено лице во вршење на службено дејствие за кое е предвидена казна од една до пет години согласно законот, а со оглед на тоа што се работи за скратена постапка по новиот закон за кривична постапка во претходна постапка притворот може да трае најмногу до осум дена.