Пристигнуваат над 100.000 дози Фајзер вакцини

Министерството за здравство информираше дека денеска се очекува да пристигнат 110.612 вакцини против ковид-19 од компанијата „Фајзер-Бионтек“, кои се купени преку Ковакс-механизмот.

Пристигнатите вакцини, кои се препорачуваат за имунизација и на деца над 12 години, ќе бидат дистрибуирани до вакциналните пунктови низ земјата.

Во државата вкупно се аплицирани 1.474.507 дози вакцини, а ревакцинирани се 697.847 граѓани.