Прислушуваните новинари ќе се соочат со Мијалков во судница

Денеска во Кривичниот суд продолжува судењето за случајот “Таргет и Тврдина”, односно за масовното нелегално прислушување во УБК.

Како сведоци на обвинителството се повикани десетина новинари и уредници, кои во судница ќе се соочат со обвинетите, меѓу кои и некогашниот директор на УБК, Сашо Мијалков.

Од новинарите ќе сведочат Јадранка Костова, Борјан Јовановски, Младен Чадиковски, Васко Попетрески, Душица Мрѓа…

Освен новинарите, како сведоци се повикани и неколку политичари, меѓу кои Горан Сугаревски, Фросина Ременски…

Мијалков е веќе во судница, а од судењето за случајот “Титаник” се чека да пристигне поранешната министерка за внатрешни работи Гордана Јанкулоска.