Преживеа три терористички напади, а денеска потпиша за Лион

by fokus 13:43
13:43

Белгискиот фудбалер Џејсон Денајер го напушти Манчестер Сити и пристигна во Олимпик Лион, објави на веб-страницата францускиот клуб. Како што е соопштено, 23-годишниот дефанзивец потпиша четиригодишен договор, за сума од 10 милиони евра.

Денајер пред две години остана неповреден при терористички напади во Анкара и Истанбул, а потоа се извлекол и при терористички атак на аеродром во Брисел.

- Advertisements -

Тој во Сити дојде 2013 година, кога имаше 18 години, но никогаш не доби шанса да дебитира. Клубот од „Етихад“ го испрати на заем во Селтик, Сандерленд и Галатасарај во два наврати, за да биде конечно продаден оваа година.

Минатата година играше 22 натпревари за турскиот клуб, додека за репрезентацијата на Белгија бележи осум настапи.

Поврзани новости