Претседателството на ДУИ ќе расправа за пораките на Могерини

Централното претседателство на Демократската унија за интеграција се очекува  денеска да расправа за пораките што ги добил вчера лидерот на ДУИ, Али Ахмети, од високата претставничка за надворешна и безбедносна политика на Европска Унија, Федерика Могерини.

На средбата, исто така ќе се дискутира и за последната средба со лидерот на СДСМ Зоран Заев, но и за следните чекори на ДУИ.

Од ДУИ претходно соопштија дека Ахмети на средбата со Могерини, истакнал дека тој и партијата остануваат посветени на наоѓањето на политичко решение за излез од актуелната криза околу составувањето на нова влада.