Претседателот Пендаровски денеска ќе се обрати за вонредната состојба

by Fokus 08:08
08:08

Претседателот на државата Стево Пендаровски денеска ќе има обраќање во кое ќе ги соопшти своите ставови во врска со вонредната состојба, свикувањето нова лидерска средба, како и за одржувањето на изборите.

Од Кабинетот на претседателот  посочуваат дека тој ќе одговори на многу прашања кои деновиве се отворија во јавноста, а се однесуваат на состојбата во земјата поврзано со кризата со коронавирусот односно дали ќе има седница на Советот за безбедност и нова вонредна состојба, што исто така се поврзува со одржување на предвремените парламентарни избори.

- Advertisements -

Се очекува тој да каже дали ќе има лидерска средба за датумот за избори. Засега нема партиски консензус за датум за парламентарни избори.

Претседателот Пендаровски, последната 14-дневна вонредна состојба, која требаше да помогне за реализација на мерките за справување со корона кризата, ја прогласи на 30 мај, а истекува в сабота.

Поврзани новости