Претседателот на Нант: Горди сме што во своите редови го имаме Лазаров

by fokus

Најдобриот стрелец во историјата на ракометната Лига на шампиони, Кирил Лазаров потпиша нов двегодишен договор со Нант, на задоволство на првиот човек на клубот Гаел Пелетие.

– Преговорите беа кратки, бидејќи волјата беше вообичаена. Лазаров е еден од најдобрите ракометари на светот и тоа го покажа со своите настапи за овој клуб. Оваа сезона е сеприсутен и има доминантна улога во резултатите на тимот. Затоа, природно беше да му понудиме нов договор. Нант е горд што во своите редови има играч од калибарот на Лазаров, изјави Пелетие.

Капитенот на македонската репрезентација ќе остане во Нант до јуни 2021 година.

– Дојдов во Нант и знаев дека екипата е карактерна. Не беше лесно на стартот – пристигнав со големи амбиции, но не говорев француски. Но, таа прва сезона се покажа како историска за клубот. Денес се чувствувам многу добро во Нант, го сакам клубот и ги сакам навивачите. Да се игра во полна сала секој натпревар е вистинска привилегија. Клубот секојдневно расте и убеден сум дека заедно ќе се подобруваме оваа сезона. Јас сум лојален човек и ќе ја вратам довербата која челниците ја имаат во мене, рече Лазаров по официјализацијата на трансферот.

Поврзани новости