Претседателот на Филипини: Или ќе се вакцинирате или одите во затвор

by fokus 22:12
22:12

Филипинскиот претседател Родриго Дутерте им се закани со затворска казна на граѓаните кои ќе одбијат да се вакцинираат против корона вирусот додека земјата води голема битка со вирусот и има преку 1,3 милиони заразени и повеќе од 23 илјади мртви.

-Вие одлучувате, или ќе се вакцинирате или одите во затвор, им порача Дутерте на граѓаните во телевизиско обраќање по извештајите за слабиот одѕив за вакцинација во главниот град Манила.
Неговите забелешки се во спротивност со наводите на здравствените службеници кои рекле дека, иако граѓаните се поттикнуваат на вакцинација, сепак таа е доброволна.

- Advertisements -

До 20 јуни на Филипините потполно се вакцинирани 2,1 милион луѓе, што е многу мал напредок со оглед на тоа дека владината цел е до крајот на годината да се вакцинираат 70 милиони луѓе, во земјата којашто брои 110 милиони жители.

-Немојте погрешно да ме сфатите, но земјата е во криза. Огорчен сум на граѓаните кои не ја почитуваат својата влада, рекол Дутерте. Тој веќе беше критикуван поради остриот пристап за сузбивање на заразата, а меѓу останатото и за цврстата одлука училиштата да останат затворени.

Поврзани новости