Претседателот Иванов на 69-то Генерално собрание на Обединетите нации

by Владо Апостолов 14:07
14:07

Претседателот Ѓорге Иванов од денеска до 28 септември 2014 година ќе престојува во САД, по повод учеството на 69-то Генерално собрание на Обединетите нации, каде ќе има обраќање на генералната дебата на 26 септември 2014 година.

Во рамки на учеството на Генералното собрание, македонскиот претседател ќе се сретне со генералниот секретар на Обединетите нации, Бан Ки-мун, а ќе учествува и на приемот што за шефовите на делегации ќе го приреди Претседателот на САД, Барак Обама, на приемот организиран од Постојаната мисија и Генералниот конзулат на Јапонија во Њујорк и на приемот организиран од страна на Кралот Фелипе VI и Кралицата Летиција од Шпанија.

- Advertising -

На маргините на одржувањето на Генералното собрание на ОН предвидени се билатерални средби на претседателот Иванов со шефови на држави и влади.

За време на престојот во Њујорк предвидено е претседателот Иванов да присуствува на Климатскиот самит 2014, како и на приемот на Клинтон Глобалната иницијатива.

По пристигнувањето во САД, претседателот на Република Македонија ќе се сретне со претставниците на македонската дијаспора во Њу Џерси. За време на престојот во САД предвидена е и средба со претставници на македонската заедница во Њујорк, како и со претставници на Националниот Американско Албански комитет.

За време на престојот во САД, претседателот Иванов ќе биде придружуван од сопругата, г-ѓа Маја Иванова. Предвидено е г-ѓа Иванова да присуствува на приемот за сопругите на шефовите на делегации, организиран од сопругата на Генералниот секретар на ОН, г-ѓа Бан Сун Таек, на собирот на иницијативата Fashion 4 Development, како и на собир посветен на аутизмот Autism Speaks 7th Annual Focus.

Поврзани новости