699
Дваесет и осум мигранти пронашла полицијата при претрес на куќи во селата Ваксинце и Лојане во Куманово.
Во селото Ваксинце полицијата пронашла 10 мигранти од Бангладеш, а во селото Лојане се пронајдени 18 мигранти од Пакистан и Авганистан, од кои четири малолетници.
При претресот во Ваксинце се приведени две лица осомничени за криумчарење мигранти, а во Лојане еден. Приведените денеска треба да бидат изведени пред Суд, а мигрантите ќе се однесат во прифатниот центар за мигранти во Гевгелија.