Од Специјалното јавно обвинителство соопштија дека денеска во 14.30 часот ќе биде одржана прес конференција, но од таму не известуваат кој ќе се обрати пред медиумите.

„Денес, со почеток во 14 часот и 30 минути, во просториите на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите, ќе се одржи прес – конференција“, соопштија од таму.

Пресот следи откако специјалната јавна обвинителка, Катица Јанева, поднесе оставка, а нејзиното име се споменува и во истрагата што вчера ја отвори Јавното обвинителство за трговија со влијание и перење пари, во која осомничени се менаџерот на 1ТВ Бојан Јовановски и Зоран Милески – Кичеец.

Содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.