424
Незадоволен продавач на книги, кој со децении продавал книги на тезги низ центарот на Охрид денес на свеченоста по повод 24 Мај ден на сесловенските просветители Кирил и Митодиј ги истурил на плочникот пред градоначалникот на Охрид, Јован Стојаноски, книгите кои ги продавал на нелегално поставена тезга, пишува „Охрид 1“.
Човекот тоа го направил од револт кон градската власт, која вчера и денес спроведува акција за отстранување на тезгите од центарот на Охрид.
Локалната власт најави дека нема да толерира диво поставување на тезги, па со полициска асистенција два дена се отстрануваат диво поставените тезги.