Премиерот Зоран Заев испрати честитки до премиерот на Црна Гора за приемот во НАТО

by Fokus 13:14
13:14

 

Претседателот на Владата на Република Македонија, Зоран Заев, испрати Честитка до премиерот на Република Црна Гора, Душко Марковиќ за приемот на Црна Гора во НАТО Алијансата.

„Во име на граѓаните и на Владата на Република Македонија им честитам на граѓаните и на Владата на Република Црна Гора за огромниот исчекор кон демократскиот свет, преку интеграцијата на вашата држава како 29та полноправна членка на НАТО Алијансата“, вели Заев во Честитката.

- Advertisements -

Според него ова е силна мотивација за новата Влада на Република Македонија да продолжи да работи според демократските вредности и владеењето на правото, и во најкус можен рок да ја обезбеди атлантската иднина на Република Македонија.

„НАТО е пред се сојуз на демократии и граѓаните на Македонија, како и граѓаните на Црна Гора и на целиот регион, имаат потреба да бидат дел од цивилизираниот свет што носи  стабилност и безбедност како во нашите држави, така и во светот“, напиша во Честитката за приемот на Црна Гора во НАТО, премиерот Заев до црногорскиот колега Марковиќ.

Поврзани новости