Пред 3.500 лица со негативен тест во публика, Македонија настапува шеста на Евровизија!

Нашиот евровизиски претставник Васил Гарванлиев ќе настапи шести во првото полуфинале во Ротердам, Холандија на 18-ти мај.

Годинава, поради пандемијата со корона вирус, дозволено било во публика да присуствуваат 3.500 лица, кои задолжително мора да приложат негативен тест на вирусот.

Воедно, настанот со публика ќе биде и еден вид на тестирање кое го спроведува холандската влада.

Покрај Македонија, во првата полуфинална вечер ќе настапат и Литванија, Словенија, Русија, Шведска, Австралија, Ирска, Кипар, Норвешка, Хрватска, Белгија, Израел, Романија, Азербејџан, Украина и Малта.

Вики Клинчарова