Пратениците повеќе од пет часа дебатираат на Комисија за предложените рестриктивни мерки кои треба да се усвојат

by fokus

Поради работата на Комисијата за здравство на која повеќе од пет часа се дебатира за измените и дополнувањата на Законот за заштита на населението од заразни болести Собранието продолжи да работи по останатите точки од дневниот ред на 19.седница, а точката по овој Закон ќе биде пред пратениците по завршувањето на работата на Комисијата.

За овој Закон, што се носи по скратена постапка и чии измени се поврзани со мерките за справување со коронавирусот, пратениците од владејачкото мнозинство поднесоа пет амандмани, а амандмани имаат и Алијанса на Албанците и Алтернатива.

Претседателот на Собранието Талат Џафери ја почна седницата со образложение дека Комисијата не ја завршила својата работа и дека ќе продолжат со другите точки.

-Собранието се изјасни по барањето за точката која одлучивте да биде прва. Според процедурите на собранието Комисијата требаше да заврши до почетокот на седницава, но не е завршена. Јас во целост ги разбирам политичките одлуки во партиите и партиските органи, но да разберете дека Собранието работи по процедура и Деловник, истакна Џафери и ја продолжи седницата по другите точки.

Поврзани новости