Пожарникари од Кавадарци заминаа на помош во Турција

by Fokus

Пожарникари од ТППЕ Кавадарци тргнаа кон Турција, да му помогнат на населението во реонот зафатен од катастрофалниот земјотрес. Со две моторни возила и соодветна опрема за заштита и спасување од непогоди, тие ќе останат во Турција се додека е потребна нивната помош.

Исто така, кавадаречкиот Совет одобри 900.000 денари помош за настраданите во земјотресите во Турција и Сирија. Сума од 600.000 ден ќе биде уплатена на трансакциона сметка добиена од турската амбасада за настраданите во Турција, а сума од 300.000 денари ќе биде уплатена на сметката на Црвен Крст со намена за настраданите од земјотресот во Сирија.

Градоначалникот на Кавадарци, Митко Јанчев информираше дека денес и утре кон настраданите подрачја ќе тргнат 10 шлепери со вода за пиење од кои пет се донација од Фондацијата Никола Јанчев, а пет се донација од почесниот конзул на Р. Турција во Битола, Ајдован Адемоски.

Вики Клинчарова

Поврзани новости