Пожар во барака остави десет семејства без покрив над глава

Десет семејства во општина Петровец од изутрината се без покрив, откако пожар ја изгоре импровизираната барака во која живееја, јавува Сител.

Во несреќата нема повредени лица, а благодарение на брзата интервенција на пожарникарите огнот е ставен под контрола, без опасност да се прошири кон останатите куќи. Градоначалникот на општината вети помош за лицата и семејствата кои го изгубија домот.

Засега не се знаат причините за избувнувањето на пожарот, кој се случи во бошњачката населба во општина Петровец.