Пожар на Водно, над клиниката „Козле“

Пожар избувна вечерва на планината Водно, во пределот над Клиниката за детски болести „Козле“.

Во гаснење на пожарот интервенираат три возила и десет пожарникари од Бригадата за противпожарна заштита на град Скопје.

– Состојбата е под контрола, се намалува интензитетот и нема поголема опасност, изјави за МИА, Владимир Симоновски, командир на Бригадата за противпожарна заштита.