Повторно ставена во функција модуларната болница во Клиничкиот центар

Со оглед на тоа што инфективната клиника после еден сериозно долг временски период целосно се исполни, ќе започне со работа повторно и модуларната болница, најави министерот за здравство Венко Филипче.

-Веќе е подготвен кадарот, којшто сега повторно исто како во месец ноември работи по системот на ротација, лекари, медицински сестри од сите одделиенија повторно ја воспоставивме онаа координација и комуникација на ниво на сите клиники во Скопје, за да се обезбеди уште еден дополнителен болнички капацитет – истакна Филипче на МРТВ.

Тој посочи дека вакцинацијата од утре ќе се префрли во Здравствениот дом во Скопје, кадешто ќе се користи тамошниот вакцинален пункт.