ОБНОВЕНО Повредени се Зоран Заев и Дамјан Манчевски

Во инцидент што се случи предмалку во Собранието повреден е Зоран Заев, лидерот на СДСМ откако погоема група граѓани влегоа во собранискиот прес центар каде што беа и пратениците.

Во инцидентот повреди доби и Дамјан Манчевски кога група маскирани лица влегоа во салата.

Телма јавува дека меѓу повредените е и Зијадин Села од Алијансата за Албанците.

Во меѓувреме, се зголемува бројот на граѓаните кои влегуваат во Собранието. Меѓу нив, има и лица со маски. Состојбата е хаотична.

ФОТО: СДК