Повлечени небезбедни пластични вилушки од Џамбо

by fokus 21:19
21:19

Агенцијата за храна и ветеринарство ги информира потрошувачите за отповикување на небезбеден производ „златни пластични вилушки“ произведени во Кина, со лот бр. AZ-161224.

Информацијата за небезбедниот производ е добиена преку системот РАСФФ на ЕУ. Производот е ставен во промет во сите маркети од страна на Верополус ДООЕЛ од Скопје, односно Веро Џамбо.

„Производот е небезбеден заради наод на високо ниво на вкупна миграција. Веднаш по добиеното известување, надлежен Државен инспектор за храна изврши вонредна инспекциска контрола кај увозникот и согласно презентираната документација за следливост констатирано е дека производот не е најден во промет. Сите потрошувачи кои што го купиле небезбедниот производ може да го вратат на местото каде што го купиле“- велат од АХВ.

Поврзани новости