Министерството за здравство го повлекло авансот што го даде земјава за набавката на кинеските вакцини „Синофарм“, но договорот за вакцините не е откажан, велат од Министерството за здравство.
Објаснуваат дека уплатата била повлечена на барање на Кина поради усогласување на документацијата.
-Авансната уплата која Министерството за здравство ја изврши за набавка на вакцината Синофарм, по барање на кинеското Министерство за надворешни работи беше повлечена заради усогласување на документација, на нашето МНР и МНР на Народна Република Кина. Разговорите се во заврша фаза, не станува збор за откажување на договорот, вакцините против Ковид 19 од производителот Синофарм во најкус можен рок ќе стигнат во нашата земја, велат од Министерството за здравство.
Земјава очекува руски и кинески вакцини, како и вакцини од производителот „Фајзер“ кои се бараа преку директни преговори со компанијата. Досега стигнаа само над 8.000 донирани вакцини од Србија со кои се вакцинираат здравствените работници.