Попоски: Сите услови се исполнети, нема простор за оспорување на изборните резултати

by fokus

Шефот на македонската дипломатија, Никола Попоски убедува дека се исполнети сите услови за фер политички натпревар на 11 декември и дека нема простор за оспорување на резултатите.

-Сите мерки кои се презедоа во изминатите месеци за подготовка на изборниот процес, го сведуваат на минимум просторот за какви било изговори во однос на резултатите- порача Попоски на министерскиот состанок на земјите членки на ОБСЕ.

Тука меѓудругото се разговараше и за војната во Сирија, заканите од меѓународен тероризам, повратниците од Исламската држава, и бегалската криза.

Говорејќи за мигрантската криза, Попоски истакна дека преземањето на претседателството со ОБСЕ од страна на Австрија е значајно за Македонија поради фокусот врз менаџирањето на мигрантската криза.

– Свесни сте за напорите на Македонија во справувањето за кризата. Поради неизвесноста на овој предизвик, уште еднаш Ве повикувам на единство и на соработка во справувањето со сите аспекти во менаџирањето на овој предизвик – рече Попоски, кој на маргините на министерската средба имаше повеќе билатерални средби.

Поврзани новости