Попладне концерт на покривот на Домот на градежници во Скопје

Денеска попладне со почеток во 18 часот на покривот на Домот на градежници во Скопје ќе се одржи првиот концерт на отворено, а граѓаните од околината ќе можат да го следат од своите балкони.

„Младиот скопски музичар и некогашен фронтмен на бендот „Д Џон“, Лепи Џони, ќе одржи едночасовен соло-концерт за станарите од Градски ѕид. Ги повикуваме нашите сограѓани од околните згради да му дадат поддршка на овој млад скопски уметник“, соопштија од Град Скопје.

Концертот ќе биде достапен на фејсбук-страницата на Град Скопје  и на официјалниот јутјуб-канал на Град Скопје.