Две лица од Долно Свиларе се лишени од слобода, откако при полициски претрес кај нив биле пронајдени пакувања со кокаин и куршуми, пренесува МВР.
„На 20.02.2019 година, врз основа на судска наредба, полициски службеници од Секторот за внатрешни работи Скопје – Единица за недозволена трговија, извршија претреси во домовите на две лица од Скопје. При претресот во викенд куќа во село Долно Свиларе на С.М.(33) биле пронајдени и одземени едно пакување со кокаин и дигитална вага со остатоци од кокаин. При претресот во домот на Ф.С.(21) во село Долно Свиларе биле пронајдени и одземени куршуми и марихуана. Двете лица биле лишени од слобода и приведени во Полициската станица Сарај. По целосно документирање на случаите, против нив ќе бидат поднесени соодветни пријави“, велат од МВР.