Во неделата во соседна Бугарија се одржаа локалните избори, каде најмногу гласови за градоначалници освоија кандидатите на бугарската владејачка партија ГЕРБ, на чело со Бојко Борисов.
ГЕРБ води и во главниот град Софија, каде досегашната градоначалничка од редовите на ГЕРБ Јорданка Фиданкова ќе влезе со предност во вториот круг наспроти Маја Манолова, поддржана од опозициската БСП и националните партии. Кандидатот за градоначалник на Софија од Бугарско Национално Обединување, Ѓорѓи Георгиев – Готи, кој стана хит на социјалните мрежи со својата несекојдневна кампања, ја изгуби шансата да застане на чело на Софија.
Имено, Готи по професија е пејач и актер, а на рекламните материјали позираше гол со тиква. Неговото мото на изборите беше – Да направиме од тиквата зелник со тиква за народот! За бугарските медиуми тој појаснува дека е најатрактивниот кандидат, и си гласал за себе.
-Фотографијата на рекламните плакати е вистинска, фотошоп имаше само на брадата и на косата. Позирав сосема гол, бидејќи нема што да кријам од бугарските гласачи! Многумина ме прашаа зошто сум гол, и зошто баш со тиква во рацете? Затоа што политиката е едно големо порно – појасни кандидатот за градоначалник.
Вики Клинчарова