Почнува расправата за предлог-законот за јазици во Собранието

Новиот предлог-закон за јазици, денеска е на прво читање пред собраниската комисија за европски прашања.

Предлог-законот е со европско знаменце, што предвидува донесување по скратена постапка без општа и амандманска расправа.

Со Законот се предвидува во сите органи на државната власт како централни институции, јавни претпријатија, агенции, дирекции, установи и организации, комисии, правни лица кои вршат јавни овластувања, службен јазик, покрај македонскиот јазик и неговото писмо, да биде и албанскиот јазик.