996
Замина уште еден урбан градски скопски лик.
Драги Христов кого сите го познаваа по прекарот Драги – „Шпага“, почина на 52 годишна возраст по кусо и тешко боледување, откако му беше констатиран карцином на белите дробови, пишува порталот „Вистина.мк“.
Пошироката македонска јавност го запозна во 2004 година по учеството во едно од првите реални шоуа во Македонија, кога имаше обид самостојно да создаде ријалити од овој тип.
Реалното шоу се викаше „Тоа сум јас“, а се снимаше во куќа во Скопје и беше сличен формат на „Големиот брат“.
Шоуто се прикажуваше на МТВ, а подоцна имаше обиди за негови варијации на други телевизии.
Драги – „Шпага“ беше победникот во првата сезона на ова реално шоу, а како награда тогаш доби автомобил.