По трет пат ќе се организира Недела на гордоста

by Фокус 11:24
11:24

Националната мрежа за борба против хомофобија и трансфобија, информира дека трета годнина по ред ја организира Неделата на гордоста. Почнувајќи од денес па се до сабота, Неделата на гордоста вклучува серија на настани, дебати, пртестни обраќања, предавања и проекции на филмови на повеќе локации.

„Целта на Неделата на гордоста е да го покрене вниманието на општата  јавност кон континуираното прекршување на човековите права на ЛГБТИ заедницата, дискриминацијата, молкот од институциите, потребата од солидарност и поддршка. Поради тоа, повеќето од организациите членки на Националната мрежа против хомофобија и трансфобија дадоа поддршка во движењето „Граѓаните за Македонија“, искажувајќи го својот револт кон моменталната власт“, истакнуваат организаторите.

- Advertisements -

Тие додаваат дека во рамки на Неделата на гордоста, повторно, со протестно обраќање ќе ја потсетат Владата дека треба да си оди, меѓудругото и поради континуираното прекршување на правата на ЛГБТИ заедницата.

„Ќе го потсетиме и Основното јавно обвинителство, во петок, за постојаните напади на ЛГБТИ Центарот за поддршка и нападите на активисти, чии сторители никогаш не ги пронајде. За крај во сабота часот, ќе ја потсетиме и Македонската радио-телевизија за шовинистичката и хомофобичната пропаганда која континуирано ја шири и за неизвестувањето за прекршувањата на правата на ЛГБТИ заедницата„, велат организаторите.

Поврзани новости