По пад од покрив загина волонтер во Петриња

Еден 57-годишен маж загина при пад од покрив во Петриња нешто по 10 часот во неделата, соопшти полицијата. Тоа се случило додека како волонтер работел на оштетен покрив во градското подрачје. Пожарникарите кои први му помогнале, а потоа и брзата помош што дошла на местото, за жал, не биле во можност да го реанимираат, јавува „Јутарњи лист“.

Весникот пишува дека се работи за човек од село во близина на градот Северин.

Тој вчера ја донирал својата приколка на семејство што настрадало, а денес се обиде да помогне на покривот, што беше кобно за него. Тој е војник во пензија, поранешен офицер на специјалните сили.