По барање на СЈО замрзнат имотот на „Европа 92“ и на „НОЕЛ“ во истрагата за „Поштенска банка“

by fokus 10:42
10:42

По барање на ова Јавно обвинителство, судија на претходна постапка на Основен суд Скопје 1 – Скопје донесе решение со кое е изречена привремена мерка за обезбедување на имот во врска со истрагата во јавноста позната под името „Поштенска банка“, соопшти Специјалното јавно обвинителство.

Со мерката е обезбеден недвижен имот сопственост на правните лица Европа 92 ДООЕЛ Кочани и НОЕЛ експорт-импорт ДООЕЛ Гевгелија и имот на име на нивните сопственици, осомничените лица во истрагата, Ратко Димитровски и Томе Главчев. Воедно, обезбеден е и имот од други правни лица кај кои има сомневање дека се прелеала противправна имотна корист – ТУРИСТКО ДООЕЛ Кочани, БЕНТОН ДООЕЛ експорт-импорт Гевгелија, НОЕЛ КОМПАНИ ДОО Гевгелија и НОЕЛ ПЛУС ДООЕЛ с.Стојаково-Богданци.

- Advertisements -

Со мерките на Судот се забранува отуѓување и располагање, а дејствијата се преземени со оглед на тоа што постои oпасност истиот имот да биде отуѓен до правосилно завршување на постапката.

Поврзани новости