Плевнелиев: Изолацијата на Бугарија од Шенген, ќе ја зголеми руската пропаганда десеткратно

by Fokus

Претседателот на Бугарија Росен Плевнелиев од 2012 до 2017 година на меѓународната конференција „Војната не се води само на боиштата: Хибридната војна на Русија” коментираше дека ако Бугарија биде изолирана од Шенген, руската пропаганда ќе се умножи десеткратно во неа.

Руските хибридни напади ќе станат поефикасни. „Какви ќе бидат нивните пораки? – Многу елементарно”. Во оваа ситуација, Бугарите ќе бидат втората категорија на луѓе напуштени од Европа, додаде тој.

Настанот го организира Медиумската програма за Југоисточна Европа на Фондацијата „Конрад Аденауер” заедно со Софискиот безбедносен форум, јави дописникот на МИА од Софија.

Плевнелиев праша за какви вредности се зборува кога Австрија и Холандија, поради внатрешно-политички причини, иако од 2011 година Бугарија исполнува одредени технички критериуми, ја оставаат Бугарија надвор од единствениот простор.

Плевнелиев коментираше и дека кога Бугарија ќе остане сама, изолирана, на периферијата на Европската унија, голем победник ќе биде Путин и неговите популисти во Бугарија. Тој рече и дека не знае до каде ќе оди диктаторот во Москва, кој, според него, не се разликува од кој било друг диктатор кој го негирал правото на народот на самоопределување. Според Плевнелиев, Путин е новиот Хитлер.

Поврзани новости