Петков: Бугарската заедница во Македонија е мост меѓу двете држави

Бугарската заедница во Македонија е мост меѓу двете држави, истакна денеска премиерот на Бугарија Кирил Петков во обраќањето на отворањето на културниот центар „Ванчо Михајлов“ во Битола.

„Односите меѓу владите се подобруваат. Ковачевски исто така, ја потенцира важноста на искоренување на говорот на омраза и на потребата бугарската заедница во Македонија да се чувствува целосно рамноправна. Сметам дека уставните права на бугарската заедница се многу важни и се огромен чекор кон целосна рамноправност меѓу народите. Додека работат двете влади, сметам на бугарската заедница да помогне како мост и заедно да ги освоиме срцата и умовите на луѓето“, додаде Петков.