Пешевски: Греењето на дрва е поголем загадувач од Југохром

by Фокус 21:25
21:25

Вицепремиерот за економски прашања, Владимир Пешевски, денеска загадувањето на Тетово го образложи дека е поради тоа што голем дел од населението се грее на дрва. Според вицепремиерот, Југохром не е најголем загадувач на Тетово.

-Подготвителните активности се во тек, а она што можеби не се знае во јавноста е дека Југохром работи со 20% од капацитетот. Значи загадувањето од Југохром е многу мал учесник во вкупното загадување наТетово. Ние се разбира ќе инсистираме компанијата да ги задоволи стандардите согласно одлуките на Влада и согласно европските норми. Доколку тоа не се случи во предвидените рокови се разбира ќе се преземат соодветни законски мерки, рече Пешевски.

- Advertisements -

Денеска на мерната станица во Тетово во 14 часот беа измерени 622 микрограми ПМ10 честички, а во текот на ноќта нивото било дури 833 микрограми, што е речиси 17 пати над дозволеното.

Поврзани новости