Претседателот Стево Пендаровски во вечерашното интревју на ТВ 24 вели дека не може да ја разбере Катица Јанева како можела да ја прокоцка довербата која ја имаше од целиот народ.
Пендаровски констатираше дека од сите пратенички состави досега во Македонија, само Амди Бајрам лежел затвор.
-Човекот на кој му беше дадена најголема доверба во историјата, вие тоа да го прокоцкате дружејќи се со пробисвети, криминалци… тоа не можам да го разберам. Да оставиме на судската пресуда. Имаше и поголеми риби, луѓе кои биле десет пати поголеми криминалци, но тоа не значи дека Боки и Катица, доколку го направиле тоа за што се товарат, не треба да одговараат.
Само Амди Бајрам од сите парламентарни состави на Македонија досега лежеше затвор. Зарем немало ниту еден од сите парламентарни состави и функции, кој направил некаков криминал?, вели Пендаровски.