Претседателот на Македонија, Стево Пендаровски на денешната средба со неговиот црногорски колега, Мило Ѓукановиќ, порача дека односите помеѓу двете земји во иднина дополнително ќе зајакнуваат и поддршката продолжува и понатаму.
„Добив уверување од Ѓукановиќ дека поддршката ќе продолжи и во иднина. Се согласивме дека нема поголема сила од евроинтегративните процеси. Во оваа насока, Северна Македонија соработува и преку понудената помош, а пример за одличните односи е соработката во одбраната. Можам да заклучам дека Северна Македонија и Црна Гора се цврсто убедени за интеграции, стабилност и добрите односи на двете држави се неопходни за економски развој. Северна Македонија и Црна Гора се пријателски и блиски земји и односите на двете земји ќе зајакнуваат“, истакна Пендаровски.