Пауновски: Граѓаните да кажат во кој маркет конкретно има зголемени цени!

by Fokus 13:52
13:52

Граѓаните да не креваат паника, затоа што лимони и друго јужно овојше има, а трговците на големо и на мало да не се обидуваат да прават манипулации со цените. Да ја почитуваат договорената маржа од 10, односно 15 проценти, порача денеска директорот на Државниот пазарен инспекторат, Стојко Пауновски.

Тој напомена дека цената на лимоните треба да изнесува 70 до 110 денари, како што била до 11 март. Граѓаните, пак, кога пријавуваат, треба да бидат конкретни, да кажат точно за кој продажен објект се работи, на која улица и број. За тоа, потенцира Пауновски, служи бројот 191.

- Advertisements -
Banner Renault 300x250

-Цената на лимоните е намалена кај сите малопродажни објекти по контролите до петокот. Проблем имаме со увозниците, со трговците на големо. Контролите се во тек, двајца се веќе казнети. Имаме зголемување на увознта цена. Големотрговците кои се, за жал, само четворица, да знаат дека секое непочитување на владината одлука ќе значи нови, поригорозни мерки. Затоа, апел до нив да ја почитуваат одлуката и највисоката маржа да биде единствена, 10 отсто, како што е утврдено. Да не прават манипулации. Пиљарите, пак, да не  се обидуваат да стават цена поголема од онаа со маржа 15 проценти, истакна Пауновски.

Во таков случај, нагласи, инспекторите ќе мора да почнат да казнуваат, а тоа никому не оди во прилог, ниту на граѓаните, ниту на државата.

-И досега има преку 100 пријави до судот, но граѓаните од тоа немаат корист. Затоа апелот е да се почитуваат одлуките за безболно да ја поминеме кризата, напомена директорот на Инспекторатот.

Поврзани новости