Парламентот денеска во 12 часот ја продолжува седницата, на полноќ се гласа новата влада

Парламентот денеска во 12 часот ќе ја продолжи вчера започнатата расправа за новата влада предложена од мандатарот, претседателот на СДСМ Зоран Заев.

Прв говорник ќе биде Димитар Стевананџија од ВМРО-ДПМНЕ.

Според деловникот,  вечерва на полноќ треба да се гласа за владата, а  за нејзин избор треба да се изјаснат најмалку 61 пратеник. Партиите од владината коалиција СДСМ, ДУИ и Алијансата за Албанците во Собранието имаат поддршка од 62 пратеници.