Во театарот Долби ноќеска се оддржа 92-то издание на Оскарите во Холивуд, Лос Анџелес. Ова се позначајни победници на Оскарите:
За најдобар филм: („Паразит“).
Во најдобра режија, Бонг Џун Хо („Паразит“).
За најдобра женска улога – Рене Зелвегер („Џуди“).
За најдобра машка улога – Хоакин Феникс („Џокер“).
За најдобра споредна женска улога – Лора Дерн („Брачна приказна“).
За најдобра споредна машка улога – Бред Пит („Беше еднаш во Холивуд“).
За најдобар документарец, („Американска фабрика“).
За најдобар странски филм – („Паразит“).
Хитот „Паразит“ е црна комедија за класните разлики во јужнокорејското општество. Раскажува за сиромашно семејство кое со измами и интриги се вовлекува во домот на богати сограѓани во Сеул. „Паразит“ е меѓу филмовите со најголема заработка во националната кинематографија.
Македонскиот документарен филм „Медена земја“ на режисерите Тамара Котевска и Љубомир Стефанов не освои Оскар, иако претходно, доби две номинации, за најдобар документарец и за најдобар странски филм. Ова е прв македонски филм со претходни две номинации за Оскар, со што „Медена земја“ испиша историја во македонската кинематографија.