Паралелно со мајката, и таткото ќе добие породилно отсуство од еден месец

by fokus 14:24
14:24

Освен деветмесечното породилно отсуство за мајките, и татковците ќе можат да отсуствуваат од работа, паралелно со сопругите, и тоа еден месец откако ќе се роди бебето. Оваа новина е предвидена со измените на Законот за работни односи, кој до крајот на годината треба да бидат изгласани.

Како што се уредени Законите моментално, таткото има право да земе родителско отсуство, но само ако мајката се откаже од користење на деветте месеци кои и следуваат.

- Advertisements -

-Како истражувањата така и праксата покажуваат дека задолжително татковско отсуство позитивно влијае на развојот на децата, на распределбата на активностите за грижата за децата и домот, овозможува зголемена економска активност на жените, намалување на нееднаквоста во платите и пензиите меѓу жените и мажите, и со тоа значајно придонесува кон родовата еднаквост и севкупниот развој на општествата. Предностите на воведувањето на модел на родителско отсуство кој ја препознава важноста на улогата на таткото во грижата за децата се многубројни. Затоа, сметаме дека се потребни промени во Законот за работни односи кои ќе вклучат воведување на три посебни видови отсуство- мајчинско, татковско и родителско, препорачани од  Меѓународната организација на трудот, вели Марија Башевска, претседателка на Реактор, на денешната Панел дискусија за споделено родителско отсуство.

Поврзани новости