Пановски за состојбата со вакцините: Излажани сме повеќе од другите земји!

Додека најголем дел од нашите соседи забрзано го вакцинира своето население, Македонија се уште чека на дозите од Кина, кои беше најавено дека ќе стигнат на крајот на месец февруари.

Сепак, тоа не се случи, а јавноста е исклучително револтирана поради таквиот развој на настаните со снабдувањето на вакцините.

„Не крајот е едно сигурно – ние сме излажани повеќе од другите земји. Не можам да разберам како нема амбасадори во Русија и Кина. Треба цели тимови да бидат таму, да работат на снабдување на вакцините. А во меѓувреме, луѓе умираат“, истакна микробиологот Никола Пановски во гостувањето во „Само вистина“ на Канал 5.