Предавничката политика на Зоран Заев и на Никола Димитров доведе до тоа денес цела Македонија да е претворена во тезга на која едно евро чинат македонската историја, македонскиот јазик и македонскиот идентитет, изјави Алексадар Пандов, претседател на Патриотскиот институт на ВМРО-ДПМНЕ.
Го повикуваме македонскиот народ и сите останати македонски граѓани да бидат будни затоа што во наредните денови очекуваме дека Зоран Заев е подготвен да потпише, како што тоа го нарекува неговиот министер за надворешни работи Османи, некаков патоказ, рече Пандов.
-ВМРО-ДПМНЕ тоа не го прифаќа и од тука ги повикуваме македонските граѓани да бидеме сплотени и обединети. Само на тој начин можеме да се спротивставиме на оваа штетна и зла политика која што за жал се плашиме дека може да нѐ доведе да го изгубиме македонскиот јазик, македонската историја и македонскиот идентитет, изјави Пандов пред зградата на Владата.