Панчевски ја тужи Катица Јанева

by fokus 18:52
18:52

Судијата Владимир Панчевски поднесе кривична пријава против специјалната јавна обвинителка, Катица Јанева, и против претседателката на Основниот суд во Гевгелија, Злата Попова, која го издададе налогот за претрес во неговиот дом.

Според кривичната пријава на Панчевски, Јанева и Попова дека по претходен договор ги пречекориле своите службени овластувања и го прекршиле законот со издавањето и со спроведувањето на наредбата за претрес на стан во Скопје, во врска со предистражна постапка што ја води Специјалното јавно обвинителство.

- Advertisements -

Поранешниот претседател на скопскиот Кривичен суд во пријавата тврди дека при претресот му била нанесена материјална штета, односно незаконски му биле одземени повеќе електронски апарати и други предмети во вредност од околу 300.000 денари (околу 5.000 евра), а му бил, како што вели, украден и клучот од станот.

Поврзани новости