Палмер рекол дека Црна Гора е најуспешна мултиетничка држава во регионот

Американскиот заменик помошник државен секретар за европски и евроазиски прашања и специјален претставник на Стејт департментот за Западен Балкан, Метју Палмер, за време на денешните разговори со црногорскиот премиер, Душко Марковиќ, изјавил неговото назначување праќа порака дека САД повторно се фокусира на Западен Балкан.

„Говорејќи за Црна Гора, американскиот претставник рече дека Црна Гора е лидер и најуспешна мултиетничка држава во регионот и дека не е случајно тоа што Црна Гора е прва држава што ја посетува Палмер по стапувањето на должноста“, соопшти Кабинетот на премиерот Марковиќ.