Отворена истрага против Жан Митрев, обвинителството бара да му се одземе пасошот

by fokus 15:41
15:41

Откако денеска во Обвинителството на распит беше доктор Жан Митрев, од обвинителството излегоа со информација за случајот.

-По утврдување на определени околности во текот на предистражната постапка, Основното јавно обвинителство Скопје денеска донесе Наредба за спроведување истражна постапка против едно лице за кое постои основано сомнение дека сторило кривично дело – Измама од член 247 став 4 во врска со став 1 од Кривичниот законик.

Осомничениот, во периодот од април 2020 година до 2022 година, со намера за правно лице – приватна здравствена установа да прибави противправна имотна корист, со лажно прикажување факти, ги довел во заблуда пациентите лекувани од КОВИД 19 со методот на хемофилтрација, велат од Обвинителството.

Оттаму додаваат дека бараат од судот да му ги одземат патните исправи.

-Надлежниот јавен обвинител, имајќи ги предвид околностите, до Основниот кривичен суд Скопје достави предлог за определување мерка за обезбедување на осомничениот – одземање на патна и друга исправа за преминување на државната граница, како и забрана за издавање нова. Ваквата мерка е предложена заради неопходноста да се обезбеди присуството на осомничениот и за непречено водење на постапката, велат од Обвинителството.

Поврзани новости