Отворена бесплатна телефонска линија за повреда на избирачко право

by fokus 15:19
15:19

Oд утре граѓаните ќе можат да пријават во канцеларијата на Народниот правобранител каква било повреда на избирачкото право на бесплатната телефонска линија. Бројот на кој што граѓаните можат да ги пријават неправилностите во изборниот период и на денот на гласањето е: 0800 54321.

Телефонската линија ќе функционира секој работен ден од 8 до 16 часот и по пријавите на граѓаните ќе се постапува веднаш, по примениот повик, или снимената порака.

- Advertisements -

Народниот правобранител, правата на граѓаните ќе ги штити со преземање на итни мерки за ефективно постапување од странa на надлежните органи во изборниот процес и другите институции кои се должни да им обезбедат заштита на нивните загарантирани права.

Поврзани новости