Откриен идентитетот на мажот пронајден во шахта на Водно, на телото нема трага од насилство

Од Министерството за внатрешни работи информираат дека починатиот маж, пронајден во шахта на Водно на почетокот од ноември, е на 58-годишниот скопјанец З.П. На телото, велат од полицијата, нема никакви траги од насилство според завршените наоди и обдукција.

Информацијата за пронајденото тело беше објавена на 7-ми ноември. Телото беше пронајдено во канализациска шахта на локацијата “Сончев град“, село Сопиште, скопско.