Откако дедо во Кисела Вода гласал, член на комисија го сликал гласачкото ливче

by fokus 10:26
10:26

Министерството за внатрешни работи известува за две прекршувања во Кисела Вода за време на гласањето за болни и изнемоштени и поврзани со организацијата на вториот круг од локалните избори.

Од таму соопштуваат дека откако изнемоштено и старо лице гласало во својот дом на улицата „Јабланица“ во присуство на Избирачка комисија во состав од претседател и тројца членови,  член на Општинската изборна комисија го сликал гласачкото ливче со заокружениот број. Случајот вчера на пладне го пријавил претседателот на Комисијата во полициската станица во Кисела Вода.

- Advertisements -

Во 14,20 часот, пак, член на Општинска избирачка комисија Кисела Вода, пријавил дека при разнесување на гласачки материјали на гласачко место број 2746 лоцирано во Месна заедница “11-ти Октомври” од страна на претседател на Избирачкиот одбор сликан е кочан со гласачки  ливчиња со број на избирачко место што е спротивно на правилата.

Поврзани новости