Осудените од шест големи судски случаи бараат амнестија, сметаат дека неправедно се осудени

by fokus 16:52
16:52

Oрганизацијата „Транспаренси Интернешнл“, денеска ја презентираше анализата на шест судски предмети, кои во јавноста се познати дека се политички мотивирани.

„Престроги казни, без мотиви на осудени, без јасно обвинение и пресуди засновани само на индиректни докази или сведочења на заштитени сведоци“, од ТИ со помош на правни експерти откриваат низа неправилности, при водењето на 6 големи судски постапки.

- Advertisements -

Во истражуваните случаи се осудени дваесетина луѓе кои сега, заедно со семејствата, бараат поништување на пресудите и нови поправични судски спорови.

Во анализата на овие предмети се клучни поранешни обвинители и судии со многугодишно искуство. Станува збор за судските предмети: „Детонатор“, „Фаланга“, „Ликвидација“, „Мигранти“ и „Аполон“.

Експертите оценуваат дека се работи за специфични судски предмети. Според нив, обвинителите не го образложиле доволно обвинението и дека не се обезбедени доволен број на докази.

Експертите во иднина бараат Закон за амнестија и формирање на еден стручен орган, кои во детали ќе им ги приближат на судските предмети.

Поврзани новости